Го испративме летото со целодневен Telekom Electronic Beats Picnic

Скопскиот Градски парк изминатата сабота (21.09) беше домаќин на уникатен настан под името Telekom Electronic Beats Picnic, на кој присутните се забавуваа со електронските звуци на домашни и странски диџеи, гледаа музички документарни филмови, беа опкружени со изложби на облека и рачни изработки, а целиот настан беше придружен со мирисот на превкусна храна.

Викендов Скопје се забавуваше во ритамот на современата електронска музика, благодарение на светски познатите Llorca (Art of Tones) и Jus Ed, како и големиот број домашни диџеи кои се појавија на сцената поставена покрај езерцето во Градскиот парк.  Настанот започна во 11:00 часот со сетовите на диџеите на Skopski Groove, а потоа DJ Chvare, Mosaik Kolektif, Emi Ermilova, Katerina Mileskaya, Zoki Bejbe и Alek Soltirov ја забавуваа публиката до зајдисонце, кога на диџеј пултот се појави францускиот „nu jazz“ пионер, Llorca (Art of Tones). По крајот на неговиот сет на сцената покрај езерцето настапија Viktor Apostolski и Andrej Micajkov, за потоа во новиот ден да нѐ воведат сировите андерграунд звуци на американскиот DJ Jus Ed. Програмата ја затворија добро познатите Robotek и Bodan Jamakoski околу 02:00 часот по полноќ наредниот ден, а дел од сетовите можеа да се проследат преку стрим во живо на официјалниот Facebook профил на Telekom Electronic Beats.

Оригиналниот сетинг на настанот го надополни ликовниот уметник Александар Зафировски со неговата уметничка инсталација „Connecting“, која беше поставена кај езерцето. Покрај него, за збогатување на визуелниот дел се погрижија Ammar Kachar, Panooramixx, Embroidery Monday, Flim и Harteeya, кои донесоа рачни изработки и мали парчиња уметност, а 0.10error of harmony, AmsterDama и Underground Shop имаа поставки со интересни парчиња облека. Заслужни за посебното сценско уредување беа Бундалевска Јана и Спасеновски Јован  Џаги.

Присутните беа во огромен број и сите заедно креираа атмосфера со која му дадоа посебен шарм на последниот ден од летото, преку целодневна журка за која ќе се зборува и во наредните месеци. За момент, Скопје беше обоено во магента и звучеше како модерна европска престолнина. Насмеаните лица во публиката само дополнително го разубавија паркот, давајќи му живост во деновите кога сонцето ќе биде сѐ помалку присутно.

Погледнете ја галеријата од Telekom Electronic Beats Picnic бидејќи фотографиите најдобро ќе ви ја доловат атмосферата од настанот.