Feeds Archive - Electronic Beats Macedonia
Feed/Music

Слушнете што кажаа нашите локални диџеи за Stephan Bodzin

Оваа сабота (29 декември) на големиот Telekom Electronic Beats настан во СРЦ Кале ќе настапи легендарниот германски диџеј, Stephan Bodzin.

По тој повод, во видеото подолу кое го снимивме со iPhone, разговаравме со неколку локални музичари и диџеи (Илина Ангеловска, Flooder и DJ Vaso) и ги прашавме да ни кажат нешто повеќе за Stephan Bodzin и за тоа што го прави толку влијателен.

 

 

Се гледаме на 29ти декември во СРЦ ,,Кале”!

Continue Reading
Feed/Music

Оваа сабота ќе се случи главната вечер на Таксират #20

На 8 декември (сабота) во СЦ Борис Трајковски со почеток во 19 часот ќе се случи главната вечер на јубилејното 20-то издание на Таксират Фестивал.

Прославата на 20-годишнината од постоењето на Таксират започна уште на почетокот на годината, во февруари, со концертот на Kraftwerk, продолжи со настапот на Laibach, пополека се развиваше низ целата година, за оваа седмица да кулминира со таканаречената и добро позната „Таксират-недела“.

Овој завршен и најверојатно најважен дел од фестивалот беше отворен минатиот четврток со одличната ПИН музичка конференција, на која се случи и неверојатниот настап на словачкиот панк-бенд Vydrapená Bužírka Punk System, кој настапи во тоалетот на МКЦ. А по огромниот број на настапи кои се случија од тогаш, повеќето во Младинскиот културен центар, финалето на фестивалот е закажано за оваа сабота во салата „Борис Трајковски“.

Во СЦ Борис Трајковски, која по овој повод ќе биде посебно уредена, ќе настапат французинките Nouvelle Vague, австралискиот drum and bass феномен Pendulum, шведскиот инди-рок состав Mando Diao, веќе-легендарните босанци Dubioza Kolektiv, македонските хард-кор херои Smut, Therapy? од Северна Ирска, македонскиот трап колектив Trap Da Fuck Up, SAF Sound System и американскиот битбокс-шампион Rahzel.

Continue Reading
Feed/Culture

Архитектонската приказна на Скопје низ фотографиите на Васе Аманито

Живееме во него и веројатно токму затоа ретко вистински го гледаме. Скопје има многу нераскажани архитектонски приказни и објекти, неми споменици на разни култури и естетики.

Васе Аманито е визуелен уметник кој веќе го документира токму ова архитектонско Скопје. За себе вели дека е голем вљубеник во форми и структури, па оттаму архитектонската фотографија му е во главен фокус. Тој е дел од повеќе проекти поврзани со главниот град, како „Скопски вертикали“, „Модернистичката мапа на Скопје“ за Blue Crow Media од Англија, „Архитектурата на Југославија” во МоМА и Звуците на Скопје“, проект во соработка со композиторот Ристо Солунчев кој е дел од годинешниот Скопски џез фестивал.

Последниве години, делумно и како контратежа на Скопје 2014, се ре-откриваше и популаризираше модернистичката скопска архитектура. Но она што нам ни остави особен впечаток во фотографиите на Васе е што предочуваат архитектонско наследство и од некои други времиња, пред „брутализмот“.

„Како целина архитектурата во Скопје е прилично интересна за набљудување, тргнувајќи од пред земјотресно Скопје, потоа експлозијата на модернизам по 63-тата, па сѐ до Скопје 2014. Особено фасцинантно е што сево ова се наоѓа на 10км растојание.“, вели авторот за богатата архитектура на главниот град, за која имаме малку познавање и официјални податоци.

Токму овој недостаток на информации и соодветна популаризација на културното наследство претставува дополнителен мотив за Васе да продолжи со фотографскиот проект. А емоциите кои ги будат фотографиите кај гледачите кои секојдневно живеат или живееле околу тие објекти му се особена награда за трудот.

Направивме селекција од 10 негови фотографии на кои се прикажни (помалку)познати скопски објекти, создавани во различни периоди и стилови. Се надеваме дека изборот ќе ви помогне со свежи очи да го видите Скопје и да почнете да го откривате непознатото во познатиот урбан пејсаж.

 

Палата „Рубен“, Скопје (1927), Иван Артемушкин

Хотел „Јадран“ (Арапска куќа), Скопје (1938), Иван Артемушкин

Зграда „Ибни Пајко“, Скопје (1938), Глигорие Томиќ

„Блок Москва“, Скопје (1969), Вера Косевска, Љубинка Миленкова

Средно училиште „Др. Панче Караѓозов“, Скопје (1970), Скопје

Дом за ученици „Здравко Цветковски“, Скоје (1971), Симеон Симовски

Македонска опера и балет, Скопје (1972-81), Биро 77 (Štefan Kacin, Yuri Princes, Bogdan Splinder, Marijan Uršič)

Зграда Алкалоид, Скопје (1974), Александар Серафимовски

Македонска академија на науките и уметностите, Скопје (1976), Борис Ципан

Модернистички дизајн на урбана опрема (клупи), Аеродром, Скопје, рани ’80-ти

 

Continue Reading
Feed/Culture

Уметницата Дона Урдинов со прво место на натпревар за 3Д моделирање во Холивуд

Дона Урдинов е млада мултидисциплинирана уметница со огромен потенцијал, која неодамна ги заврши нејзините студии на престижниот факултет за визуелна уметност, креација на игри и анимација, „Gnomon“.

Нејзино најново достигнување е освоеното прво место на натпреварот Zbrush Live Sculpt-off, кој се одржа во рамки на Zbrush Summit 2018 во Холивуд, со што таа стана шампион во сегментот Органик.

Самитот е во организација на компанијата Pixologic, креатор на софтверот Zbrush кој се употребува во филмска индустрија и видео игрите за 3Д моделирање. Натпреварот се одржува еднаш годишно во Лос Анџелес и поканува 24 уметници од целиот свет да креираат дело на одредена тема во рок од само 3 часа.

Оваа година темата на натпреварот била креирање на специфични тарот-карти, за што учесниците биле поделени на две групи, според двете различни методологии на работење во софтверот: Organic и Hard Surface. По гласањето од публиката и од стручната комисија, Дона Урдинов била прогласена за победник во сегментот „Organic“.

По завршувањето на студиите по 3Д моделирање и вајарство на Gnomon, Дона имаше прилика да биде практикант во компанијата „TenSky“, основана од Charlie Wen, концепт артистот на Marvel познат по својата работа на филмови како „The Avengers“, „Guardians of the Galaxy“ и „Thor“. А за прв пат пред македонската публика таа се претстави во 2017 со самостојната изложба наречена „Ex Parte Hominis“ („Човечката страна“).

Дел од нејзините цртежи можете да ги погледнете на Instagram.

Continue Reading
Feed/Culture

Нови мурали на зградите во Струга

Во рамки на фестивалот „Мурал фест“, кој се одржа на почетокот на октомври, група македонски уметници го трансформираа ликот на Струга.

 

„Мурал фест Струга“ се одржа за прв пат оваа година. Целта на фестивалот, кој ги привлече некои од најдобрите артисти од земјата, беше освежување на изгледот на основното училиште „Јосип Броз Тито“ и на уште неколку други, јавни и приватни, локации низ градот.

„Направивме еден нов тип на фестивал, со кој би сакале да ги привлечеме младите, телентирани уметници да бидат дел од една нова, модерна историја на градот, со тоа што малите тесни улички би ги претвориле во урбани места со свои приказни. Го замислуваме градот Струга како прераснува во град на уметност, град кој ќе ги забавува и инспирира луѓето од сите возрасти.“ – Кристина Затуровска, ликовен уметник, фотограф и ко-организатор

За следната година Затуроска најави недела на уметноста, која би се одржала на почетокот на летната туристичка сезона, а Фестивалот на муралите да се одржува заедно со традиционалниот Арт симпозиум.

Continue Reading