11 траки што го дефинираат звукот на легендарната берлинска техно забава Grounded Theory

Grounded Theory е една од водечките техно забави во Берлин измината декада.

За љубителите на денс музиката, Берлин е центарот на техно светот. Тоа не беше секогаш така, со оглед дека до пред само десет години градот немаше многу техно клубови и забави.

Се разбира, постоеше Berghain, којшто тогаш беше на пат да стане меѓународно препознатлива институција каква што е денес. Постоеше и Tresor, но сѐ уште се мачеше да утврди во кој правец ќе се движи по преселбата на новата локација на Köpenicker Straße. Но, за љубителите на техното, овие два клуба беа сѐ што имаше.

Токму овој недостаток на избор ги мотивираше Michael Müller и Henning Baer да организираат техно вечер во нивниот клуб: Grounded Theory. Во октомври 2009 година, ги донесоа Norman Nodge, Steve Rachmad и Function на нивната прва забава во Arena Club. Тоа беше невиден успех. За неколку месеци, Grounded Theory стана главно место на собирање на љубителите на техното во Берлин за на крајот да прерасне во меѓународно препознатлив бренд.

Оттогаш наваму функционираат одлично, со исклучок на кратката пауза што ја направија откако нивната трета локација—Stattbad феноменално место за забави во Wedding —неочекувано мораше да затвори. Пред две години, Tresor стана нов постојан дом на забавата. Во петок, 27 септември ќе ја прослават нивната 10-та годишнина со Helena Hauff, Pinch, DJ Pete, Solaris, Stranger, Tham и Henning Baer. За повеќе информации, посетете ја Facebook страницата за настанот.

Пред забавата, побаравме од Müller и Baer да споделат единаесет траки што го дефинираа звукот на забавата низ годините.

Byetone, “Plastic Star” (Sleeparchive Remix) (Raster-Noton 2008)

Michael Müller: „Со оглед дека Grounded Theory секогаш беше на работ меѓу артистичко/возбудливо и денсфлор ориентирано техно, тоа дефинитивно беше наш фаворит на почетокот на забавите”.

Donato Dozzy & Cio D’Or, “Limone” (Time To Express 2009)

MM: „Една од поапстрактните и повозбудливите траки што често се слушаше на почетокот на забавите”.

Marcel Dettmann – Corebox (James Ruskin Blueprint Mix) (MDR 2013)

MM: „Двата изведувачи настапија неколку пати на Grounded Theory. И ден денес, ремиксот што James Ruskin го направи на Marcel Dettmann е подеднакво шокантен како што беше кога излезе за првпат. Нема што повеќе да се каже, освен дека тие се вистински мајстори на својот занает“.

Chris Liebing & Tommy Four Seven, “Bauhaus (Mallet Mix)” (Bauhaus 2009)

MM: „Оваа соработка меѓу Chris Liebing и Tommy Four Seven е дефинитивно една од траките што ја обликуваа новата, сирова насока на техното во тоа време. Ми се допаѓа што е тоа хард трака, а истовремено има одличен ритам и динамика“.

Helena Hauff, “Break Force” (Ninja Tune 2013)

MM: „Бавна, минималистичка техно трака на Helena Hauff, која ќе настапи на нашата забава по повод 10-годишнината во Tresor. Оваа трака може често да се слушне на двата наши подиуми“.

Blawan, “Talatone” (Ternsesc 2015)

MM: „Вистинска класика, што редовно се слуша на Grounded Theory“.

Function, “Burn” (Sandwell District 2009)

Henning Baer: „Function беше еден од трите изведувачи (заедно со Norman Nodge и Steve Rachmad) кои настапуваа на првата Grounded Theory забава во септември 2009 година. Sandwell District беше многу популарен во тоа време, и оваа трака ептен се пушташе во клубот“.

Martyn fat. The Spaceape, “Is This Insanity (Ben Klock Remix) (3024 2010)

HB: „Ова е уште една многу популарна трака од првите години на Grounded Theory. Објавена е на почетокот од 2010 година, истата година кога Ben Klock настапи кај нас во Arena Club. Неговиот ремис е модерна класика“.

Delta Funktionen, “Silhouette” (Delsin 2010)

HB: „Delta Funktionen настапија кај нас неколку пати во текот на годините. Во Arena Club и во Horst Krzbrg и Stattbad. Неговата трака „Silhouette“ на Delsin, со ремиксот на Marcel Dettmann на рипит во позадина, е уште една модерна класика од првите години на Grounded Theory”.

Traversable Wormhole, “Traversing The Asteroid Belt” (Traversable Wormhole 2009)

HB: „Како Traversable Wormhole, Adam X издаде spaced-out техно што предизвика големо внимание кога се појавија првите музички записи. Овие рани музички записи беа независни изданија со многу уникатен звук. Подоцна, претрпеа масивен ремикс на CLR во 2010 година. Проектот беше паузиран во 2016 година, но Адам најави нов албум на Traversable Wormhole што треба да излезе во ноември оваа година”.

Jon Hopkins, “Collider (Karenn Remix) (Domino 2013)

HB: „Некои траки се едноставно посебни. Како што е овој ремикс на Jon Hopkins од Karenn. Честопати може да се слушне во Stattbad, и е пример зошто заедничките проекти на Blawan и Pariah се едни од најдобрите техно проекти во живо што постојат“.